شهریار خبر سایتینین یازدیغینا گوره، فرخ جلالی لیله الرغایب گئجه سینین مراسمی اوچون قورولان قرارگاهین ، رجب آیینین اول جوما آخشامی گونو مراسمی اجرا ائتمه سی اوچون حاضر اولدوقلارینی دئییب.
او تبریز شهرینده بوتون مزارلیق و قبرستانلیقلارین عمومی تنظیف و تمیزله مه سیندن دانیشیب آرتیردی: آذربایجان خالقی آراسیندان بو گونون اهمیتین نظرده آلاراق، هر ایل تبریز مزارلیق لاریندا انسانلارین چوخ ساییدا حاضر اولماسینا شاهد اولوروق. بو سبب دن ده ائله قبرستانلیقلارا زیارته گلن لر خدمت ائتمک اوچون، او مکانلاری تمیزلمک، آسفالت دا لکه لری آرادان قالدیرماق و محیطی تمیزلمک کیمی خدمت لر وئریلیر.
تبریز بلدیه سینین قبرستالیق لار اداره سینین رئیسی علاوه ائتدی: بوتون ساحه لرده قبرستانلیقلارا زیارته گل لر اوچون خدمت لری نظرده آلمیشیق. بو جوما آخشامی و جوما گونلری اوچون گئنیش مقیاسدا تدبیرلر گوروله جک .
او آرتیردی: بوتون شهر قبرستانلیقلاریندا همشهری لرین چوخلوغو سبب دن حمل و نقل محدودلاشدیریلماسی، شرکت واحد اتوبوس لاری و رفاهی خدمت لر و دیگر ضروری مسئله لره گوره تمهیدلر گورورلوب دور.
نظرات