یعقوب هوشیار، اسلام دا شهید عائیله‌لرینین مقامینی قئید ائدرک، تبریز بلدیه سی اوزونو شهیدلری گنج نسیله تانیتماق و شهید عائیله‌لرینین شانلی مقامینی یاد ائتمک اوچون بوتون ایمکانلارینی ایشه سالماغا بورحلو بیلدی.
شهردار بو گوروشلرده شهادتین خاص بنده‌لر و اسلام مکتبینین سئچیلمیشلری اوچون الهی بیر موفقیت اولدوغونو وورغولادی و دئدی : اسلامی اینقلاب و ایران اسلامی نظامینین عزّتی و اقتداری شهیدلرین پاک قانینین ثمره‌سی‌دیر.
هوشیار علاوه ائله‌دی : اولکه‌میزین امنیتی شهیدلرین پاک قانینین سونوجودور. اونلار اوز جانلاریندان کئچمه‌یه، اولکه‌نین امنیتینی و اراضی بوتوولوگونو قوروماغا و شهید اولماغا راضی اولوبلار.
او خاطیرلادی کی، من و شهر شوراسی‌نین محترم عضولری هر هفته شهیدین ایکی عائیله‌سی‌نین ائوینه گئدیریک و شهردارلیغین دیگر ایداره‌چی‌لری ده هفته‌نین هر گونو شهید عائیله‌لرینین ائوینه گئتمه‌لی‌دیرلر.
بو گوروشلرین سونوندا بلدیه رئیسی شهید "محمدرضا دلیر باقری‌نیا" و "محمدتقی ابراهیم‌پور هرزنق"ین عائیله‌لریندن آیری-آیری تقدیرلووحو وئره رک، تشکّور ائتدی.
نظرات