اکبر پورخردمند، شهریار خبر سایتینا وئردیگی معلوماتا گوره، هر ایل اولدوغو کیمی بو ایل ده رجب آیینین ایلک جوما آخشامی اولان رغائب گونو عزیز ایتیرمیش انسانلارین مقبره‌لرینه زیارت ائتمک عادتی اساسیندا تبریز بلدیه‌سی‌نین ترافیک معاوینتی دیگر مسئوول قوروملارلا بیرلیکده بو عزیز گونون مراسیملرینین ان یاخشی شکلده کئچیریلمه‌سی اوچون چالیشیر.
او علاوه ائتدی: ترافیک معاونتی کسایی اتوبانینین آذرشهر و بسیج میدانیندان اولان گیریش نوقطه‌لرینده پلیسین اولماسی اوچون راهور پلیس‌ایله لازیم اولان دانیشیق لاری آپاریب.
بو اتوبان بویونجا دا نامحسوس ترافیک کنترولو اوتوموبیل‌لری‌نین اولماسی ترافیکین ایمنی و آخارلی اولماسی اوچون چوخ یاخشی بیر کومک اولا بیلر.
ترافیک معاوینی اوز سوزلرینین باشقا بیر حیصه‌سینده دئییر : ان اونملی تترافیک مسئله لری عوموما وادی رحمت شهیدلر مقبره‌سی‌نین ایچینده اولدوغو اوچون راهور پلیس‌ایله راضیلاشدیق کی، ۲۰ نفر راهور پلیسی مزارلیق خیابانی‌نین ایچینده اولوب، هر نووع ترافیک مسئله سینی و گئدیب-گلمکله باغلی وضعیته نظارت ائتسینلر.
نظرات