محمدرضا کاظمی، بلدیه نین اطلاعات تکنولوژی سی و ارتباطات سازمانینین مدیر عاملی، دئدی: تبریز بلدیه سینین آغیللی معلومات مَرکزی شیمال-غرب بولگه‌سینین ان بویوک معلومات مَرکزی اولاراق، شهرداری‌نین و دیگر ایداره‌لرین بوتون معلوماتلارینی اوزونده بیرلشدیریب و ایشیق فیبری و شهرین سطحینده ۲۰۰۰ دوربینین قورولماسی‌ایله بیرلیکده، تبریز شهرینین آغیللاشدیریلماسی پروژه‌سی تامامیله تکمیل اولاجاق.
کاظمی علاوه سوزلرینین داوامیندا بئله آرتیردی: بو مَرکز تبریز شهرینین ایشیق فیبر شَبکه‌سینه باغلانماقلا، شهرین آغیللاشدیریلماسی اوچون لازیم اولان تمل تیکینتیلری تامین ائدیر. ایندییه قدر ۳۰۰ کیلومتر ایشیق فیبری چکیلدی و ایلین سونونا قدر، اصلی یوللارین ایشیق فیبری ۳۲۰ کیلومتره چاتدیریلاجاق و عمومیتله شهرین ارتباط تمل تیکینتیلری (زیرساخت) اینکیشاف ائتدیرمک اوچون ۸۲۰ کیلومتر فیبر نوری چکیلمه‌سی پلانلاشدیریلیب.
او علاوه ائتدی کی، ائولره قدر ایشیق فیبری اینترنت خدمتی گوسترمک اوچون یئنی بیر مقاوله ایمضا اولونوب کی، بو پروژه ۳۶ آی عرضینده تاماملاناجاق و گله‌جک ۱۵ ایل عرضینده شهرین ارتباط احتیاجلارینی اوده‌یه‌جک. بو پروژه تکرار-تکرار قازیقلارین قارشیسینی آلاجاق و بوتون دولت و خصوصی قوروملار بو خدمتدن ایستیفاده ائده بیلرلر.
نظرات