بو باره‌ده حسین منیری فر بئله دئییب :، تاریخی و مدنی بیر بولگه‌ده اولدوغو اوچون ۸-جی بولگه‌سی بلدیه سی سون آی ایچینده چوخلو مدنی، اینجه صنعت و اجتماعی پروقراملار حیاتا کئچیریب. او، دی آییندا تاریخی و مدنی تبریز بولگه‌سینده ۳۸ سایی‌دا فرهنگ پروقرامی‌نین حیاتا کئچیریلدییینی بیلدیریب.
منیری فر دی آییندا حیاتا کئچیریلن مهم مدنی پروقراملاری آراسیندا امام علی (ع) میلادینی و آتا گونونو قوتلاماق، کتاب مصباح الهدایه-ده عرفانی سماعین تدقیقی، امام علی (ع) میلادی موضوعسو ایله رسم چکمک یاریشی، اوشاقلار اوچون رسم و طراحی درسی، "ائو" آدلی صنعت سرگی سی، دنیز محصولاتلاریندان یئمک بیشیرمک درسی، سوزه یئنی تکنولوژی درسی، تاریخی شهرین مختلف نقطه‌لرینه توریست گزیشلری، "آن سو تر از محسوس" کتابینین تنطیماتی، خاتم سلیمانی شعیر مجلسلری، بصیرت آرتیرماق مجلسلری، حاج قاسم سلیمانی‌نین وفات ایل دونومونده صلوات دوراق لاری، شهید بهشتی میدانیندا هنر و اینجه صنعت نمایشگاهی، شهید عائیله‌لری ایله گوروش، قیز اویره‌نجیلرینه تزئینی صنعتلرین اویره‌دیلمه‌سی، ساعت میدانیندا حضرت زهره (س) میلادی، آنا حضرتینه شعر مجلسلری، ۸-جی بولگه‌سی‌نین فرهنگ سارایلاریندا چوخلو درسلرین کئچیریلمه‌سی و .. سایابیلریک.
منطقه ۸ بلدیه رئیسی دئدی: بو درسلر آراسیندا رسم و طراحی، تذهیب و نگارچیلیق، میس و گوموش‌ده حکّاکلیق، پسیخولوژی، خیاطلیق، آشچیلیق، اینگیلیس دیلی، پسیخولوژی، خطاطلیق، پتینه، ملیله تیکیشی، سنتی طب ، مزاج تانیما، دری تیکیشی و... کیمی درسلر وار.
منیری فر سوندا دئییب کی، ۸-جی بولگه‌سی بلدیه سی شهید بهشتی مدنیت سارایی، نیکدل مدنیت سارایی، شمس تبریزی مدنیت سارایی، تربیت مدنیت سارایی و شهید عبدالله‌یی ساغلاملیق ائوینده هر گون مختلف مدنی، اینجه صنعت، ادبیات و تحصیلی پروقراملار کئچیریر و همشهری لر بو خدمت لردن ایستفاده ائده بیلرلر.
نظرات