شهریار سایتینین خبرینه گوره، یئرلی عوارض تعرفه‌سینی تدقیق ائتمه‌ده شهر شوراسی‌نین عضولری مترو بلیط‌لرینین قیمتی‌نین ۲۵% آرتماسینا راضیلاشدیلار.
بو قرارا اساساً، وطنداشلیق کارتی (کارت شهروندی) ایله مترو بلیط‌لرینین قیمتی ۳۵۰۰ توماندان ۴۴۰۰ تومانا یوکسله‌جک.
هابئله قرار وئریلدی کی جانبازلار، ایثار ائدنلر و شهید عائله‌لری اوچون مترو بلیطی پولسوز اولسون. گلن ایل ترافیک منطقه‌سینه گیریش عوارضلرینین ۳۷% آرتماسی بو گونکو یئرلی عوارض تعرفهسینین تصویب اولونموش باشقا بیر مصوبه‌سی ایدی.
ائله بو اساسدا، ترافیک طرحینه ائرکن و فردی گیریش تعرفه‌سی دییشمز قالدی. شهر پارکینگلری ساحه‌سینده، شورا عضولری شهر ایچی پارکینگلرینین تعرفهسینین ۳۰% آرتماسینا راضیلاشدیلار.
بوندان علاوه، خیاوان قیراغی پارک خیدمتلری‌نین قیمتی حاقیندا یئنی قرارلار آلیندی. بئله کی، خیاوان قیراغی پارکینگین ایلک یاریم ساعتی پولسوز اولاجاق، ایکینجی یاریم ساعاتدان ایکی ساعاتا قدر ۳ مین تومن و ایکی ساعاتدان چوخ ایستیفاده ائدیلن پارکینگلر اوچون هر یاریم ساعاتا ۵ مین ۵۰۰ تومن هزینه تعیین ائدیلیر.
۱۴۰۴-جو ایلین یئرلی عوارض تعرفه‌سی ۳۸ ماده و مختلف دییشیکلیکلرله سسلندیریلمه‌یه قویولدو و تصویب ائدیلدی. بو دییشیکلیکلردن بیری تیکینتی پروانه‌سی عوارضینین ۳۱% آرتماسی ایدی.
نظرات