شهریارین فارس خبر آژانسینا ایستیناد ائده‌رک وئردیگی خبره گوره، «آذربایجان ائل بیرلیگی» مدنی-هنر موسسه‌سی، ایرانلیلارین آراسیندا بیرلیک یارادماق و یئرلی مدنیت‌لره و دیللره احترام گوسترمک مقصدیله، بو میللی فستیوالی شعر و حکایه بخش‌لرینده کئچیردی. اثرلر موسسه یه گوندریلدیکدن سونرا، یاریشان شعر و حکایه‌لر اینجه لنمیش و تبریزلی یازارین قیسا حکایه‌سی فستیوالین سئچیلمیش حکایه اثر اولاراق تانیتیلدی.
داوود هوشنگ روشنک، تبریزلی شاعیر و یازار، داها اونجه اثرلری ادبی فستیوال‌لاردا اوستون درجه‌لر قازانمیشدی. اونون، «ایچی بوش» آدلی حکایه‌سی بو فستیوالدا سئچیلمیش اثر سئچیلدی. بو حکایه، «دایی» لقب لی ایله تانینان شهید احد علافییه تقدیم ائدیلمیشدیر.
«ایچی بوش»، مقدس دفاع دوورونون بیر قازی سینین درمان اوچون خاریج اولکه‌یه سفرینی آنلاتان قیسا بیر حکایه‌دیر.
داوود هوشنگ روشنک، اولکه‌نین گورکملی مدنی فعال‌لاریندان‌دیر. اوْ، ۱۳۹۹-جو ایلین آبان آیینین ۲۹ و ۳۰-دا، ایرانین نوماینده‌سی اولاراق، بیرلشمیش میللتلر تشکیلاتینین ۱۳-جو اقلیت‌لر و اقدامات نشرینده (ژنو، سوییس) «قومی نمادلر، میللی نمادلاری گوجلندیریر» آدلی بیر چیخیش ائتمیشدیر.
اوْ، هابئله، تورکیه‌لی یازار ایوب آضلالین «دونیانین دیگر طرفی» آدلی حکایه مجموعه‌سینی ترجومه ائده‌رک چاپا حاضیرلاییر.
نظرات