شهریارین وئردیگی خبره گوره، محبوب عبدالله‌پور، بو موضوعلا ایلگیلی اولاراق بیلدیردی: ترافیک دوربین‌لرینین توسعه سی، ترافیک نظم‌ینین یوکسلمه‌سی و سوروجولرین تخلفلرینین آزالماسی اۆچون مثبت بیر آدیمدیر. بلدیه طرفیندن دوربین‌لرین سایی‌نین آرتماسی ایله، سوروجولرین جریمه‌لرینین ایکی قات آرتدیغینی گوروروک، لاکین بلدیه‌نین جریمه‌لردن حاق‌قینین اوده‌نیلمه‌سی ضروری‌دیر.
اونون بیلدیردیگینه گوره، تبریزین خیابانلاریندا گونده ۱۰۰-۱۲۰ میلیون تومن حاشیه‌ای پارکدان گلیر وصول اولونور و شهر شوراسینین تصدیق ائتدیگی یوللاردا بو گلیرلر توپلانیر. بو قونوندا، همشهری لرین بورجللاری دا آیلیق اولاراق اس ام اس واسطه‌سیله اونا چاتدیریلیر.
تبریز بلدیه‌سینین مهندسلیک مودورلویو و حمل و نقل تشکیلاتینین مدیرعاملی ، بوگون شهرده فعال دوربین‌لرین سایی‌سینین ۵۱۱-ه چاتدیغینی اعلان ائتدی. همین‌زماندا، ایکینجی فازدا شهری عاغیللاندیرما پروژه‌سی چرچیوه‌سینده ۶۸۰ دوربین‌ین آلینما مقاوله سی ایمضالانمیش و بونلاردان ۴۵۰-سی نوروز بایامینا قدر تحویل آلیناجاق.
عبدالله‌پور، اۆچونجو فازدا دوربین‌لرین سایی‌سینین گله‌جک ایل ۲۰۰۰-ه چاتاجاغینی بیلدیره‌رک، تبریزین پارکینگ پروژه‌لری اوزرینده جامع آراشدیرمالارین داوام ائتدیگینی، لاکین مالی شرایط‌لرین اولماماسی سببی‌له سرمایه‌چیلرین پارکینگ‌لرین تیکینتی‌سینه ماراق گوسترمه‌دیکلرینی ده قئید ائتدی.
عبدالله‌پور، BRT مسیریندا ۱۰ دوربین قورولدوغونو و ایلک گون ۷۰۰ تخلف قئید اولوندوغونو، لاکین حال‌حاضیردا بو تخلفلرین ۲۵۰-ه دۆشدوگونو ده بیلدیردی.
اونون بیلدیردیگینه گوره، ترافیک مسئله‌سینین کوکدن حلی اۆچون تبریزده ۲۵ تشکیلات و موسسه‌نین بیرلیکده چالیشماسی و اوز وظیفه‌لرینی یئرینه‌یه‌تیرمه‌سی ضروری‌دیر.
نظرات