شهریارین خبرینه گوره، تاریخی ساعات بیناسی مرمت پروژهسی، منطقه ۸ بلدیه‌سینین مرمت پروژه‌لریندن بیریدیر.
بو مجموعه‌نین مرمتینین بیرینجی مرحله‌سی، کف و طاقلارین مرمتی، تیکنتی نین اساس محکملندیرمه‌سی، ساعات بیناسی محوطه‌سینین پایه‌لرینین برپاسی و مرمتی کیمی موختلیف مرمت ایشلریله حیاتا کئچیریلیب.
بوندان علاوه، منطقه ۸ بلدیه‌سی تاریخی ساعات بیناسینین زیرزمینین مرمتینی و کهنه پنجره‌لرین دییشدیریلمه‌سینی و مرمتینی یئرینه یئتیریب. مرمت ایشلری ۱۰ گونلوک ایش زامانیندا تاماملاندیقدان سونرا، بو تاریخی بینا آچیلیب و نوروز توریستلرینی قبول ائتمه‌یه حاضیر اولاجاق.
پروژه‌نین سرعتینی آرتیرماق و مرمت ایشلرینه داها چوخ نظارت ائتمک مقصدی ایله، منطقه ۸-ین بلدیه رئیسی‌نین دفتری بو تاریخی بینادا قورولوب. داها چوخ نظارتله، ساعات بیناسینین مرمت ایشلری ان قیسا زاماندا تاماملاناجاق و عزیز شهری‌لریمیزین ایستیفاده‌سینه وریله‌جک.
نظرات