شهریار سایتینین خبرینه گوره، یعقوب هوشیار، تبریز بلدیه‌سینین مدنی، اجتماعی و ایدمان تشکیلاتی‌نین مدیرلری و ایشچیلری ایله صمیمی گوروشده، دئدی: اسلامی شهر شوراسینا وئریلن برنامه‌یه گوره، بلدیه‌نین مدنیت ساحه‌سینه باخیشینی دییشمه‌سی ضرورتدیر.
اون، سون ایللرین اجتماعی دییشیکلیکلرینه ایشاره ائده رک، "کئچمیشده، عاییله اۇشاقلارین تربیه‌سی و اینکیشافیندا اساس رولو اویناییردی، اما بو گون ان یاخشی حالدا، شخصیتین صرفاً ۲۰ % عاییله‌ده فورمالاشیر. اینکیشاف ائتمیش جتماعیتلرده، جتماعیتین بویوک بیر حیصّه‌سی گله‌جک نسیللرین اینکیشافی‌نا یونلدیلمیشدیر و بیز ده بو یولدا آدیم آتمالیییق" دئدی.
تبریزین بلدیه رئیسی، بلدیه‌نین ۳۰۰ خدمت وظیفه‌سی یانیندا، مدنی تدبیرلرین ده اولاریتی اولدوغونو بیلدیره‌رک، "بو گون فعالیتلریمیز همشهری لرین راضیلیغینا سبب اولوب و آمارلاردا دییشیکلیک یارادیرسا، بو، بلدیه‌نین تمام بخش‌لرینین، او جومله‌دن مدنیت ساحه‌سینین چالیشماسینین نتیجه‌سیدیر" دئدی.
نظرات