هم‌چنین جوما گونو سحر چاغی تبریزین لاله منطقه‌سینده بیر ایکی‌مرتبه لی مسکونی ائوینین پارکینگینده پارتلاما حادیثه‌سی نتیجه‌سینده اۆچ نفر یارالانیب اورژانسا گوندریلدی.
شهریار سایتین خبر گوره، تبریز اودسوندورن تشکیلاتینین مودورو رضا جان‌فشان نوبری بو خبری اعلام تئدیب، دئدی: تبریزین ایکی نقطه‌سینده امداد عملیاتلاری ان قیسا زاماندا باشلادی و یارالانانلار اورژانس ایشچیلرینه تحویل وئریلدی.
جان‌فشان نوبری علاوه ائتدی: ایلک حادیثه بوگون سحر زامانی بیر ایکی‌مطبلی بینانین زمین‌قاباغیندا پارتلاما نتیجه‌سینده باش وئردی و بیر قادین و بیر کیشی حیاتینی ایتیردی.
او داوام ائتدی: بو انفجار نتیجه‌سینده بیر کیشی ده بدنی زیان گورموشدو کی، درمان اوچون اورژانس ایشچیلرینه تحویل وئریلدی.
تبریز اود سوندورن تشکیلاتینین مودورو داوام ائتدی: بو حادیثه‌نین خبری اعلان اولدوقدان سونرا اود سوندورن تیم‌لری حادیثه یئرینه گوندریلدی و ایمنی و عملیاتی تدبیرلر حیاتا کئچیریلدی.
جان‌فشان نوبری دئدی: ایکینجی انفجار بوگون صبح تبریزین لاله منطقه‌سینده بیر ایکی مرتبه لی مسکونی ائوینین پارکینگینده باش وئردی و اۆچ نفر یارالانیب اورژانسا گوندریلدی.
او داوام ائتدی: پارتلامانین شدتی نتیجه‌سینده کوچه‌ده پارک‌اولونموش ماشینلار زیان گوردو و قونشو ائولرین پنچره‌لری ده سیندی.
نظرات