شهریار سایتینین خبرینه گوره، بو مراسمده شهیدلرین عاییله‌لری، تبریز بلدیه رئیسی یعقوب هوشیاردان تقدیر ائتدیلر.
تبریز شهیدلرینین عکس‌موزه‌سینین آچیلیش مراسیمینده، تبریز شورا عوضوو حکیمه غفوری، شهیدلرین عاییله‌لری آدیندان دانیشیب، تبریز بلدیه رئیسی‌نین گئجه‌گوندوز چالیشمالارینا و شهری مدیریت ده جهادی روحیه‌سینه گوره تقدیر ائتدی.
او، دئدی: هرچند هئچ بیر سوز و رفتار بلدیه رئیسی نین گئجه‌گوندوز چالیشمالارینین قارشیلیغینی وئره‌بیلمز، آمّا بوگون شهیدلر آدیندان اونون گئجه گوندوز چکدیی زحمت‌لریندن تقدیر ائدیریک.
غفوری دئدی: تبریز بلدیه رئیسی هر زمان جهادی روحیه‌سی‌یله شهیدلرین عاییله‌لرینین یانیندا اولوبلار و هر زامان ایثار و شهادت مدنیتینی یاییلماق اوچون موثّر بیر آددیم آتماق ایسته‌دیکده، اونلار پیش‌قدم اولوبلار.
غفوری سوزلرینین سونوندا دئدی: بوگون شهیدلر آدیندان اونون زحمت‌لرینه تقدیر ائتمک اوچون بیر فرصت یاراندی. امیدواریک کی، مهدی باکری کیمی شهیدلرین یولوندا، ایثار و خیدمت یولونون دوام ائدن لری اولاق.
نظرات