شرقی آذربایجاندا نوروز توریستلرینین گلیشی ۷% آرتدی

شهریار سایتینین خبرینه گوره، علیرضا بایرام‌زاده دئدی: "بو مدتده ۲ میلیون ۱۲۴ مین ۱۵۸ توریست ایالته داخیل اولوب."
معاون بیلدیردی: "همین مدت ده ۴۱۴ مین ۶۲۰ توریست و نوروز قوناغی تاریخی اثرلر و توریست جاذبه‌لرینی زیارت ائتدی کی، بو، کئچن ایلین همین دوورونه گوره ۵% چوخالیب دیر."
توریسم مسئولو آچیقلادی: "توریسم مرکزلرینین بیلت ساتیش آمارلارینا گوره، ۵۳ مین ۶۱۵ نفر موزه‌لری زیارت ائتدی کی، بو رقیم اوتن ایلله مقایسه‌ده ۵۳% آرتدی."
بایرام‌زاده آرتیردی: "کندوان کندی ۲۳ مین ۱۱۵ توریستله ان چوخ زیارت اولونان یئر اولوب. ساعات عمارتی ۵ مین ۳۸۵ و آذربایجان موزه‌سی ۳ مین ۲۶۷ توریستله ایکینجی و اوچونجو یئرده دیر."
مسئول بیلدیردی: "بو مدتده ایالته داخیل اولان ماشینلارین سایی ۶۰۶ مین ۹۳۱ دستگاه اولوب کی، اوتن ایلین همین دوورونه گوره ۴% چوخالما گوستریب."
سون اولاراق بایرام‌زاده قئید ائتدی: "نوروز سفرلری باشلاندیقدان بری رسمی قوناقخانالارین آمارلارینا گوره، ۶۳ مین ۳۳۲ توریست بو مرکزلرده قوناق اولوب. بو رقیم کئچن ایلله مقایسه‌ده ۲% آرتدی و حال-حاضیردا قوناقخانالارین ۴۵% ظرفیتی دولودور."