تبریز بلدیه رئیسی، اسلامی جمهوریت گونو و فیطیر بایرامین مناسبتینه تبریک مکتوبو یاییملادی

شهریار سایتینین خبرینه گوره، بلدیه رئیسینین مکتوبونون متنی بئله دیر:

رحمان و رحیم اللهین آدی ایله

اسلامی جمهوریت گونو، فیطیر بایرامی و شوال آیینین گلیشی موناسیبتله، عزیز تبریز اهالیسینه درین تبریکلریمی بیلدیریرم.

بو موبارک بایرام، مبارک رمضان آیی بویونجا خالص عیبادت، الله یولوندا مجاهدت و نفس تربیه سیندن سونرا، پاک فطرته قاییدیش و الله ین سونسوز رحمتینه قوووشماق اوچون بیر فرصتدیر.

بو گون الله ین مغفرت قاپیلاری آچیلیر و مومن لرین قلبلری رضوان نوری ایله یانار.

عزیز رهبریمیزین (مدظله العالی) سوزلریندن الهام آلاراق و «سرمایه‌گذاری برای تولید» یا همان «تولید اوچون سرمایه یاتیرتما» شعارینا اویغون اولاراق، تبریز بلدیه سی، پایدار یاتیریملاری جلب ائتمک و تمل تیکینتی لری ( زیرساختها) اینکیشاف و توسعه ائتدیرمک یولوندا بو میللی هدفه چاتماق اوچون اراده سینی ساخلاییر.

تبریز بلدیه سی، اهالیه خیدمتی یالنیز بیر وظیفه دییل، بلکه الهی بیر تکلیف بیلیر و عمرانی، مدنی و اجتماعی پروژه لری حیاتا کئچیره رک، شهرلیلرین رفاهی و راحاتلیغینی تامین ائتمک اوچون دایم چالیشیر.

الله ین فضلی ایله و همشهری لرین بیرلیگی ایله، بو قدیم دیاردا یاشام کیفیتینی یوکسلتمک و داها پارلاق بیر گلهجک قورماق اوچون چالیشیریق. چونکی اینانیریق کی، خالقه خیدمت، صادقلیک، اخلاص و اللها توکل ایله یئرینه  بیلمک آغیر بیر مسئولیتدیر.

بو بویوک بایرامدا، الله ین رحمان درگاهیندان، ایران اسلامی جومهوریتینین و عظیم میلّتین دایمی عظمتینی، خصوصیله عزیز تبریز خالقینین و بو دیارین آرتان ترقّیاتینی دیله ییرم. اومیدوارام کی، الله ین لطفو ایله، تبریز دایما ترقّی و پایدار اینکیشاف و توسعه یولوندا ایرلیله سین.