«شهیدلر آل هاشم و مالک رحمتی» آدلانان ۲ بویوک مدنی پروژه افتتاح اولاجاق

تبریز بلدیه رئیسی یعقوب هوشیار، یاخین گونلرده تبریزین مشهدده کی زائرسارای و جنوبی فرشته مدنی-دینی مaجتمعینین افتتاح اولاجاغینی دئدی.

هوشیار شهریار خبر سایتی ایله دانیشیقدا دئدی: خدمت یولونون شهیدی آیت‌الله سید محمدعلی آل‌هاشمین آدی وئریلن زائرسارایی، ۶ مین متر مربع مساحتده و ۸ مرتبه لیک بیر تیکینتی اولاراق اینشا ائدیلیب.

بلدیه رئیسی دئدی: بو زائر سارایی ۱۵۰ نفرلیک ظرفیته مالیکدیر و شرقی آذربایجانین زائرلر بنیادینین نظارتی آلتیندا، یوخسول اولان زائرلرین ایستیفادهسی اوچون حاضرلانیب دیر.

بلدیه‌باشچیسی بونو دا اعلان ائتدی: جنوبی فرشته محله‌سینده تیکینتیسی قورتاران مدنی-دینی مجتمع، خدمت یولونون شهیدی مالک رحمتینین آدینی داییر.

هوشیار دئدی: ۱۴۵۰ متر مربع اراضیده، ۴ طبقهلیک اولان بو مجتمعین تیکینتیسی ۲۰ میلیارد تومان خرجله حاضیرلانیب.

مجتمعین امکانلاری :

· عبادت سالنی (شبستان)

· کتابخانا

· کیتاب مخزنی

· آموزشی صنف اوْتاقلاری

· اداری اوْتاقلار

· چایخانا

· قازانخانا

· گوزتیچی پوْستی