ایرانین بریکس شهرلرینین بین‌الخالق امکداشلیق اینکیشافی موضوعلو "چشم‌انداز" ییعینجاغینا نماینده اولاراق قاتیلان هوشیار، مسکودا وئردیگی تصریحاتدا، توریزمین اقتصادی فوایدلاریندان علاوه، فرهنگی، اجتماعی، سیاسی و امنیتی تاثیرلرینین ده اولدوغونو، بو سببدن ده دونیادا تقریباً بوتون سیاسی نظام‌لرین اوز اولکه لرینده بو صنعتدن ایستیفاده ائتمک ایسته‌دیکلرینی بیان ائتدی.
تبریز بلدیه رئیسی، توریزم صنعتینین دونیانین ان بویوک و اهمیّتلی اقتصادی صنعتلریندن بیری اولاراق، اولکه لرین اقتصادیاتینا دوغرودان تاثیر گوستردیگینی قئید ائتدی.
او، توریزم صنعتینین بین‌الخالق علاقهلرین گوجلندیرمکده و بحران واختلاریندا (اینسان، طبیعت یا سیاسی بحرانلاردا) بیر ارتباط کورپوسو رولو اوینایاراق تنشلرین حلینه کومک ائده بیلجیگینی وورغولادی.
هوشیار، بریکس اولکه لرینین توریزم ساحه‌سینده گوجلو پتانسیاللاری اولدوغونو، بو ساحه ده امکداشلیغین اعضالار آراسینداکی علاقه لری گئنیشلندیرمک اۆچون ان قیسا یول اولا بیلجه گینی و بریکس اولکه لری اۆچون دائمی بیر منبع کیمی رول اوینایاجاغینی بیلدیردی.
هوشیار، بریکس شهرلرینین امکداشلیغینین و علاقه لرینین دیپلوماتیک بیر واسطه کیمی دیگر رابطه ساحه‌لرینین اینکیشافینا کومک ائده بیلجیگینی ده قئید ائتدی. توریستلرین مبادله‌سینی آسانلاشدیرماق و فرهنگی فعالیتلر تشکیل ائتمکله، بریکس شهرلرینین علاقهلرینی گوجلندیره بیلجیکلرینی بیلدیردی.
سیاسی تحریملرین و تنشلرین اولکهلر آراسی علاقهلره تاثیر گوستردیگی بیر دونیادا، بو نوع امکداشلیقلارین دیالوق و فرهنگی مبادعه اۆچون یاخشی بیر فرصت اولدوغونو دیله گتیردی
نظرات