شهریارین خبرینه گوره، تبریز بلدیه سینین ارتباطات و بین‌الملل ایشلری ایداره سی طرفیندن آپاریلان و "خیابان دا دیلنچیلیک ائدن لره: الف) پول وئره رم ب) پول وئرمه رم" سوالی ایله مجازی صفحه لرده یاییلان بو سوالا ۴۲ مین ۶۳ نفر جواب وئردی.
نتیجه لره گوره، همشهری لرین ۱۹%-ی "پول وئریرم" (الف) و ۸۱%-ی ایسه "پول وئرمه رم" (ب) قسمینی سئچمیشلر.
بو نظرسنجی، اینستاگرام و تلگرام صفحه لرینده یئرلشن شهریار، عصر آذربایجان، مهر آذربایجان شرقی، یازاکو، سون خبر، تبریز بیدار، عصر تبریز، اخبار اول، بازتاب، تبریز سیتی، تبریز خبرلری، آذر وطن، آی نیوز، آوای تبریز، قلم پرس، دیزمار، اخبار فردا و احرار کاناللاری طرفیندن پاییلدی.
تبریز اوزون ایللردیر "دیلنچی سی اولمایان شهر" آدی ایله تانینیر و بو آد، تبریزی هم‌سطح شهرلر آراسیندا مشهور ائتمیشدیر. بو آدلاندیرما، شهرده یوخسول اولمادیغی معناسینی وئرمه ییب، بلکه ۷۰ ایلدن چوخ فعالیت گوسترن خیریه مرکزلرینین چالیشمالارینین نتیجه سینده‌دیر
نظرات