شهریار سایتینین خبرینده گلدیگینه گوره، مکتوبدا بئله دئلیب:
**"تراختورون فوتبال لیگینده قهرمان اولماسی، یالنیز تبریزین و آذربایجانین ایدمان ساحه‌سینده بویوک بیر افتخار دئییل، هابئله ایلین ایلک دقیقه‌لریندن سون سانییه‌لرینه‌دک محبوب تیملرینی یالنیز بوراخمایان اهالی نین غورورو، بیرلیگی و یوکسک اجتماعی شعورونون تجلیسیدیر.
بو افتخاری، درین دویغولارلا فهیم و غیرتلی طرفدارلارا، کولوبون زحمت‌چکن اداره‌چیلرینه، چالیشقان تکنیکی کادرا و تراختور تیمینین عزیز اویونچولارینین هامیسینا چوخ ایچدن تبریک ائدیرم.
شک‌سیز، بو قهرمانلیق، یاخینلاردا سونمز دستک اولان طرفدارلارین، ایستی‌سویوغولوقدا، غلبه‌ده و مغلوبیّتده تیمله بیرلیکده دوران اهالی نین و کولوبون ایچینده تراختورو ایران فوتبولوندا لاییق اولدوغو یئره قایتارماق اوغروندا بیرلیک و جمعی عزمین نتیجه‌سیدیر.
بو گون،اردیبهشت آیینین ۱۲ ده تبریزین کوچه و خیابانلاریندا دالغالانان اجتماعی شور و شادمانلیق، تبریزین و آذربایجانین آدی اوغروندا تعصب، تعهد و غئیرتله ساواشان آداملارین ائمگینین نتیجه‌سیدیر.
بو قهرمانلیق، فقط ایدمان بیر عنوانین دئیییل ، بلکه بو شهرین یاخین تاریخینده ایشیلدایان پارلاق بیر نوقته دیر.
بو تیمین میلّی و بین‌الخلق ساحه‌لرده پارلاقلیغینین داوام ائتمه‌سینی آرزولایاراق، امیدوارام تراختور، تبریز و آذربایجان اوچون گئلجگی پارلاق بیر گله جک قورماق اوچون امیدله، جهدله و ثابیت‌قدملیکله چالیشان بیر نسلین ایلهام قایناغی اولاراق قالسین.
نظرات